Уттигъанну Дагъусттаннал ХIукуматрал председатель Аьбдулмуслим Аьбдулмуслимовлул каялувшиврийну хьунни паччахIлугърал региондалул программартту «Дагъусттаннал СМИ-лул даву гьаз даву» ва «Цифрардал Дагъусттан» тIисса программарду бартдигьаву ххал дигьлагьисса совещание.

Цалчинмур программалул хIакъираву премьер-министрнал бувсунни ва программалуха 2021 шинал зий байбивхьушиву, ванил гьанумур мурадгу СМИ-лул даву ххуйсса даражалийн гьаз даву бушиву ва муниц1унна миллатирттал мазурдиймур прессалулссагу. Бувсунни ва программа бартдигьин 467, 6 миллион ккаккан бувну бушиву. «Цифровой Дагъусттан» программалул хIакъиравугу ванал бувсунни цIушинал дайдихьулий цува хьунаавкьушиву Минцифралул коллективращал, миккугу гьаз бувшиву даву сантирай ва лябуккулий гьаз дуваврил ххуллурду ва чаранну.

– Дагъусттаннал БакIчи Сергей Меликовлулгу чIурчIав дувай ва республика хьхьичIуннай шаврил ххуллийсса программа душиврий, мунияту кутIасса чIумул мутталий хъирив лавну, ххал диргьуну, кьамул дуван багьлай бур программагу, бази дуван багьлай бур му программа бартдигьин циксса арцу аьркин дагьлай дуссаривгу», – увкунни Аьбдулмуслимовлул.
Хъирив балжину дурсса давурттая бусласисса докладру бунни Печатьрал ва информациялул агентствалул каялувчи Аьбдуразакь Жамалуттиновлул ва цифрардал лябуккулул министр Юрий ХIамзатовлул.