Дуккаврил идарарттай оьрчIал, чIаважагьилтурал ва студентътурал спорт хьхьичIуннай даву мурадрай, щала Аьрасатнаву гьарца шинах кIинтнил ахирданий ххал дигьай ГТО-лул кьараллу.
Республикалул Тестированиялул центрданул графикрайн бувну, МахIачкъалалив Елена Исинбаевал цIанийсса стадиондалий хьунни щалагу Аьрасатнал физкультуралул ва спортрал комплексрал ГТО-лул кьараллу ххал дигьлагьисса кIинтнил фестиваль.
Лакрал райондалия гьашину школа къуртал буллалисса 49 дуклаки оьрчIава, муний гьуртту хьуну ур 22 (17 чIаважагьил ва 5 душ).
Вайннава ГТО-лул кьарал мусил лишандалун дуллуну дур ац1ния к1иннал, аруннал дуллуну дур арцул лишандалун ва шамуннал – чарвитул лишандалун.
Райондалул Культуралул, туризмалул ва спортрал иширтталсса буллалисса центрданул хъунаманал хъиривчу Малик ХIусмановлул бусласимунийн бувну, фестивальданул чIалачIи бувну бур физкультуралул учительтуран багьлай бушиву дуклаки оьрчIал хIадуршинна гужлан дан, школарттал каялувчитуран тIурча, гужлан дан багьлай бушиву школарттай физкультуралул дарсру дишаврил даву.
ГТО-лул кьараллу дуллалийни лишанну ласуншиврул, хIисав дуллай бур гуж, анаваршиву, Мусил лишан ласуншиврул багьлай бур ккаккан дурсса урчIрагу дисциплина ххювалун дулун.
