ЦIуссалакрал райондалул культуралул зузалт гьуртту хьунни гьарица шинах шайсса «Халкьуннал маска» тIисса халкьуннал театрдал форум — фестивальданий.
Расул ХIамзатовлун 100 шин шаврин хас дурсса форум – фестиваль хьунни Избербашлив, «Культура – му жувару» тIисса творчествалул коллективирттал IV-мур республикалул смотр-конкурсрал лагрулий.
ЦIуссалакрал райондалул чулуха шикку гьуртту хьунни М. Чариновлул цIанийсса Халкьуннал театрданул артистътал Аьйша Жабраилова, Шамсуттин Къапланов ва Ибрагьим Мусиев. Вайннал ккаккан бунни «АбутIалиб ГъапуровлучIа хъамалу» тIисса сценкалувасса парча.
