Вай гьантрай Ккурккуллал шяраву дия хъуннасса уттарашиву. Гьаман, кIичча дайдирхьунни «Дагестан Вайлд Трайл-2023» цIанилусса спортрал марафон. Ва марафон гьашину мукьулчинни хьусса.
[dropcap]С[/dropcap]портрах гъира бусса 2000-ннаха ливчусса инсантал личIи-личIисса регионная бувкIун бия Щалвагу Аьрасатнал марафондалий гьуртту хьун. Санкт -Петербурглиясса, Москавлиясса журналистътурал тIимунийну, гьашину мукьилчинсса шинни ва лечаврил (забеграл) марафон хьусса. Яла лахъимур манзилданийсса марафон Ккурккуллал шяравату дайдишайсса дур. Гьашинугу, Ккурккуллал шяравату байбивхьуну, 120 километралияр ххишаласса манзилданий Шамилкъалалийн биянцIа, левчунни 26 ссятрал мутталий спортрах гъира бусса инсантал.
Хъиривмур кьини марафондалийн бувккунни Ирганайннал ва Шаржавуллал шяраваллавату 65 ва 35 километралул манзилданий гава Шамилкъалалийн биянцIа. Спортсментурал ххуллурду бивкIссар ратIайх, кьакьардавух, зунххи ххуллурдайх, кьанийх.
Лечаву даврил хъунмур мурад хъанай бур цIуллусса оьрмулул сурат машгьур даву, мукунна республикалий спортрал туризм лядуккан даву.
Лечаврил ахирданул ятIап хьунни мартрал 19-нний ва мунийну тIиртIунни 2023 шиналсса туристътурал чIун. Му кьини лечавривух гьуртту хьуми бивну бур УнцIукIуллал райондалийсса Шамилкъалалийн. Гьарца группалува финишрайн цалчин бивсса шама спортсменнан дуллунни наградартту.
ХьхьичI бувкIминнахь аьла-ссалам бунни ДР-лул туризмалул ва НПХ-лул министр Эмин Мердановлул, ДР-лул физкультуралул ва спортрал министр Сажид Сажидовлул ва ДР-лул промышленностьрал ва машлул министр Низам Халиловлул, УнцIукIуллал райондалул бакIчи Ися НурмахIаммадовлул, Ххунзахъиял райондалул бакIчи НурмахIаммад Задиевлул.
Мероприятиялий гьуртту хьуминнан хасну сакин дурну дия бялахъаврил ва культуралул программа, Дагъусттаннал халкьуннал касмурдал сурсатирттал ярмукIартту-ккаккияртту.
Мероприятие сакин дурну дия ДР-лул Туризмалул ва халкьуннал касмурдал министерствалул.
