Бухьхьияра, лак, лакрал ифтарданийн!


Апрель зурул цанний, гьанттайн чIумул ссят ххюнний, МахIачкъалалив, Редукторный поселокрайсса цIуну буллалисса МухIаммад Идавсил (с. аь. с) мизитравун батIинтIий бур лак, зума ритаврил цачIусса урцIухун, мюнпатсса ихтилатирттах ва нашидирттах вичIи дишин. Ларгсса шинал бала-мусиватсса ковид сававну ифтарданийн бучIан ччи­сса инсантуращагума бучIан къавхьуна.
Гьашину, щукру хъунасса Аллагьнайн, жува му бала-мусиватрава бувкру, ца урцIух ккуркки лагансса сант дагьлай дур. Бухьхьияра зулва ичIувацириннащал, гъан-маччацириннащал зума ритан ца урцIух.
ОьрчIансса викторинардугу дикIантIиссар. Зума итадакьинсса дуканмур, хIачIанмур дачIинтIиссар. Ва давриха зий, хIадур хъанахъисса Сакиншиндарал комитетрал вакилтал, лакрал жагьилтал, волонтёртал, ифтар лайкьну щаллу шаврицIун кабакьлай бикIантIиссар. Циксса чIявусса инсантал бувкIрив, мунийнугу чIалантIиссар жула цашиврул лишан.
Бухьхьияра, лак, лакрал ифтарданийн!