Уттигъанну МахIачкъалаллал луттирду итабакьай идаралий бувккунни «Ттиркьюкьал чарсса» тIисса Ххадижат ЦIаххаевал шеърирдал жуж. Шиву бур ванил личIи-личIисса шиннардий чивчусса шеърирду. Вай бур Дагъусттаннахасса, тIабиаьтрахасса, ниттил мазрахасса, заманалухасса, эшкьи-ччаврихасса. Бур миллатрал вакилтуран хас бувссагу.
Цуппа медик бунугу, ваниву творчествалул чулухунмайсса гьунаргу бур, лакку мазрахсса гъира-гьавасгу хъунмасса бур.
– Миллатрахссагу, ниттил мазрахссагу ччаврил бунни ттуяту шаэр, –тIий бур Ххадижат.
Жуж итабакьиннингу чIявучин соцсетирдайхчин кIулну бия ванил шеърирду. Ванил мукъурттий тIий бур балайрду. «Ттиркьюкьал чарсса» бахшишну хьунссар Ххадижатлул шеърирду ххираминнан. Хъин дайдихьу хьуннав, чичлансса гьавас къалещаннав.
