Нуцалайл цIусса луттирал презентация

[dropcap]М[/dropcap]арт зурул 9-нний Расул ХIамзатовлул цIанийсса Миллатрал библиотекалуву хьунни яруссаннал шаэр Нуцалай Султановал «Буттал шяравалу ва мунил чанна цIуртти» тIисса луттирал презентация. Ванил назмурду чичай лакку мазрайгу, дуркссар ми «Илчилийгу».


Презентациялий гьуртту хьунни Гумбетуллал райондалул хъунама Галип Галипов, Дагъусттаннал Чичултрал союзрал яруссаннал секциялул хъунама, филологиялул эл­мурдал доктор МахIаммад МахIаммадов, халкьуннал шаэр СабихIат МахIаммадова, Халкьуннал Мажлисрал депутат Зулгимар Тагьибова, Хъаннил предпринимательтурал союзрал ассоциациялул хъунмур Шанисат Аьбдуллаева, машгьурсса чичулт ва цаймигу бусравсса хъамал.

Мероприятие дачин дурну бия Дагъусттаннал халкьуннал шаэр ТубхIат Зургалова. Лакрал миллатрал чулуха Нуцалай барча буллалисса махъру лавхъуна шаэр, публицист Алексей ХIажиевлул, «Дагестан» ГТРК-лул журналист Оксана Султановал.

Галип Галиповлул кIицI лавгуна Нуцалайл луттирдал ниттил маз ябавриву ва жагьилтал ватан ххирану тарбия бавриву биялсса кIантту бугьлагьишиву. Дагъусттаннал Хъаннил союзрал чулуха ванин Барчаллагьрал чагъаргу буллуну, лачак пишкаш дурна.

Къизилюрт шагьрулул мажлисрал депутат МахIаммад Загьидовлул кIицI лавгуна буттал шяраваллил меценатътурал ванин компьютер пишкаш буллалишиву.
Дуклаки оьрчIал дурккуна Нуцалайл назмурду. Ахирданий шаэрнал барчаллагь увкуна чIарав бавцIуцириннахь.