Цал архIал тIитIинтIий бур мукьва садик

Вай гьантрай лакрал миллат цIусса миналийн бизан баврил ва Аухуллал район цIу дуккан даврил масъалартталсса буллалисса ДР-лул ХIукуматрал Управлениялул, «Новострой» дирекциялул вакилтурал ва цаймигу пишакартурал ххал диргьунни кIулшивуртту дулаврил идарартту баврил давуртту ссайн дирну дурив.
ДакIнийн бутанну ЦIу­миналийсса ЦIуссалакрал райондалийсса Аьхъардал, ТIюхчардал, ЦIуссалакрал ва ЦIуссаккуллал шяраваллаву буллай бивкIшиву оьрчIансса багъру. Мукьрагу шяраву бувсса садикру бур 620 оьрчIансса кIану бусса.
Ми объектирдал ялтту буккан бувкIсса делегациялул ххал бивгьунни садикирттал пищеблокру, актовый ва музыкалул заллу, оьрчIру шанансса къатри, санузеллу, беседкартту ва тIуркIу бансса кIанттурду.
ЦIуну тIивтIусса оьрчIал багъру бикIантIиссар ттизаманнул оборудованиялул ва къулайсса шартIирдал дузал був­сса.