ЦIуссалакрал райондалул мажлисрал депутат Аслодин Аслудиновлул сипталийн бувну, Украиннал аьрщарай нанисса хасъсса операциялуву гьуртту хъанахъисса жула аьралитуран кумаг хIисаврай тIайла дурккунни 9 тонна нувщул.

Аьралитуран кумагрансса кьай дирхьусса КамАЗ тIайла буккан бувкIун бия ва даврил сиптачитал хьусса Гьамиящиял шяравасса меценатътал, уссурвал Аслудиновхъул, Гумбетуллал райондалиясса депутат ХIажи ХIамзатхIажиев ва аьралитурал мачча-гъанми.
Цинявппа цачIун хьуну, буцIин бунни КамАЗ дуки-хIачIиялул. ХIала бувххунни ихIсандалул акциялувух дуклаки оьрчIругу, шяраваллил жяматгу.