[dropcap]М[/dropcap]арт зурул 1-нний ЦIуссалакрал райондалул администрациялул къатраву агьалинащал хьунаавкьунни лакрал халкь цIусса миналийн бизан баврил ва Аухуллал район цIу дуккан даврил масъалартталсса буллалисса ДР-лул ХIукуматрал Управлениялул хъунама МахIаммад-ХIажи Айдиев.

[dropcap]В[/dropcap]а кьини ванал кьамул унни бизан баврицIун бавхIусса масъаларттал хIакъираву увкIсса 51 инсан. МаслихIат хьунни, хъирив лавну, вайннал масъалартту ххал бигьин. Управлениялий март зурул 3-нний ххал бивгьунни 20 инсаннал аьрза. Вай инсантурал чулухасса чIявуми аьрзри бия къатри нукIувасса чачаннал миллатрал заллухъруннахьхьун дулаврил ва кьадиртсса къатрахсса компенсацияртту ласаврил хIакъиравусса. |

МахIаммад-ХIажи Айдиевлул, цачIанма бувкIсса цинявппагу инсантурал масъаларттах личIлулну вичIигу дирхьуну, бувчIин бунни закондалийн чул бивщуну дузрайн буккан бантIишиву вайннал мурадру. Му бакъассагу, ва кьинисса хьунабакьаврий кьамул дунни хьхьичIавасса заллухъруннахьхьун къатри тапшур дуллалисса ххюра акт. Ванийнугу исват хъанай бур лак цIусса миналийн бизан баврил ва чачаннал миллат цала миналийн бучIаврил даву чялиш дуккан дуллай душиву.