Ниттихъал байрандалун хас дурну ЦIуссалакрал райондалул Культуралул къатраву хьунни «Аьзизсса ниттил сипат» тIисса цIанилусса выставка.
[dropcap]Ш[/dropcap]икку тамашалун дирхьуну дия А. КьурбанмахIаммадовлул цIанийсса ОьрчIал искусствардал школалул тарбиячитурал дирхьусса суратру, щаршсса ва пластилиндалия дурсса игрушкартту ва цаймигу кьай-кьуй.
Выставкалий ца яла асар хьунмину дия ниттихъал, ссурваврал ва душваврал суратру.
ОьрчIал дирхьусса суратирттайну бувчIлай бия дунияллий яла аьзизми ниттихъул, ссурвал ва цинявппагу душру бушиву.
