[dropcap]М[/dropcap]арт зурул мяйнний «Зул каруннил гъилишиву» тIисса социал проектрал лагрулий Дусшиврул къатлуву тIиртIуна оьрчIал дурсса суратирттал выставка. Ва хас дурну дия Хъаннил байрандалун.

[dropcap]В[/dropcap]ыставкалий ккаккиялун дирхьуну дия МБОУ «Хасъсса (коррекционная) школа-интернатрал»(2-мур видрал интернат учайн ванийн) ва У. Муртузааьлиевал цIанийсса Республикалул центрданул дуклаки оьрчIал дурсса суратру. Дусшиврул къатлул хъунмур Саида ЯрахIмадовал, оьрчIру барча буллай, кIицI лавгуна выставкалул тема тIутIан хас дурсса душиву, тIутIив хъаннил байрандалул лишан духьувкун. «ТIутIив пишкаш дувару ниттихъан, ссурвавран, амудадахъан, кулпатирттан. ХIакьину выставкалий яргсса, аьнтIикIасса тIутIал дуниял оьрчIал каруннил загьир дурну дур, вай тIутIал жулла дакIругу аьчух дуккан дуллай дур», – увкуна Саидал. Мероприятиялий гьуртту хьуна ХIасановлул цIанийсса Музыкалул училищалуву дуклакимигу.