Лакрал райондалул администрациялийн оьвкуну, райондалул бакIчи Юсуп МахIаммадовлул барча бунни Украиннал аьрщарай нанисса хасъсса аьралий операциялий гьурттушинна дуллалисса контрактрай къуллугъ буллалиминнал ва мобилизовать бувминнал ниттихъул.
– Ххирасса ниттихъул, бусан къахьунссар цукунсса тагьарданий дуссарив арсру аьрайсса ниттихъал дакIру – хьхьу-кьини вас-ццахлий, дард-хажалатрай яхъанахъисса, хьхьурду уттара дуллалисса.
ХIакьину жула билаятрал ялун цIунилгу дирну дур нигьачIаву. Зул арсру, ласру бувккунни Ватандалул цIанил баруну бацIан. Ссавур дулуннав зухьхьун, къалещаннав зул дакIурдиву умуд, дучIаннав зул ялун арсру ва ласру зана хьусса тирххандарал кьини! Хьул бишинну зул арсру ва ласру ччясса мутталий ххувшаврищал зана хьунтIишиврийн! ЧIа тIий ура зун цIуллушиву ва ссавур, – увкунни Юсуп МахIаммадовлул, хъаннихьхьун тIутIив ва арцуйнусса бахшишругу дуллай.
