ЦIуссалакрал 1-мур школалий хьунни «Хъунасса шаэр дакIнийн утанну» тIисса Р. ХIамзатовлул 100 шинал юбилейран хас бувсса ккуркки стол.

[dropcap]В[/dropcap]анил сакиншинначи хьунни лакку мазрал учитель Муъминат Мусаева. Мероприятиялий гьуртту хьунни байбихьулул ва дянивми классирттал дуклаки оьрчIру. Мероприятиялул мурад бия дуклаки оьрчIавун Расул ХIамзатовлул творчествалух гъира бутаву, патриотизм тарбия даву.
Зал чIюлу бувну бия шаэрнан хас бувсса чIирал кказитирттал.

Мероприятие тIитIлай, Муъминат Мусаевал бувсунни шаэрнал оьрмулия ва творчествалия. ЛяличIину кIицI лавгунни ванал Ватандалухасса, дусшиврухасса шеърирду. ОьрчIал дурккунни назмурду. Выставкалий бивхьусса шаэрнал луттирдая бувсунни библиотекалул хъунмур Зайнав Шахмардановал. Расул ХIамзатов Дагъусттаннайгу, Щалагу Аьрасатнавугу цуксса сий дусса шаэр ивкIссарив бусласисса ихтилатру бунни школалул учительтурал.