Кинологтурал ккаккияртту

Уттигъанну Москавлив хьунни «Лучшие собаки России – 2022» тIисса Щалагу Аьрасатнал выставкалул рейтинграй ххув хьуминнан наградартту дуллалисса шадлугърал мероприятие.

«Яла ххуйма кинолог ва яла ххуймур къуллугърал ккаччи» номинациялий ххув хьуминнавух бур хасъсса аьралий операциялуву гьуртту хьусса Росгвардиялул пишакартал ва миннал вардиш бувсса ккаччив. Миннавух ур Дагъусттаннал Росгвардиялул «Скорпион – Каспий» ОМОН-далул полицейский-кинолог, хъунама прапорщик Евгений С. ва мунал ккаччи, Дори тIисса немецнал овчарка. Вайннал пишалул бурж бур пIякь учайсса затру лякъаву. Цила залуннащал Дори гьуртту хьуну бур хасъсса аьралий операциялуву. Ва уттинин пIякь учайсса затру ххал дан нигьачIаву дусса кIанттурдайн 150-лийла т1айла бувккун бур. Ляркъуну дур 10-хъул пIякь учайсса затру ва ярагъ лабивтсса кIанттурду.
Хасъсса аьралий операция байбивхьуния шийнмай Росгвардиялул кинологтурал ва миннал вардиш бувсса ккаччал лявкъуну бур душманнал ярагъ бусса 77 кIану, 30 азарунния лирчу­сса пIякь учайсса затру, 720 килорая ливчусса янсав, 260 азарунния ливчусса личIи-личIисса калибралул боеприпасру ва 270-ннийн бивсса битай ярагъ.
Хасъсса аьралий операциялуву Росгвардиялул кинологтал мюхчан буллай бур агьамшиву дусса объектру ва цала аьралитал бусса кIанттурду, кIул буллай бур пIякь учайсса затру ва ярагъ бусса кIанттурду.