Студентътуращалсса хьунабакьаву

Февраль зурул 2-нний ЧIяй­ннал Магьирлугърал къат­луву хьунни кIинттулсса каникуллай шяравун бигьалаган бувкIсса студентътуращалсса хьунабакьаву. Мероприятиялул сиптачи ва сакиншинначи хьунни ЧIяйннал шяраваллил Магьирлугърал къатлул хъунмур Алхасова Са­лихIат.

«Ва ххуллухсса мероприятие на хас дурссия студентътуран. ХьхьичIара жул шяраву ччя-ччяни дайссия студентътуращалсса вечерду. Мунияту, ттун пикри хьуна, дуклаки оьрчIру студентътуращал дахIаву дуну, хIала-гьурттуну бикIаншиврул, миннащал кIул бан, дус бан», – увкунни СалихIат Алхасовал. Студентътурал оьрмулиясса ва дуклаки оьрчIахь насихIатру буллалисса ихтилатру бунни Аьбдуллаев Арсеннул ва Апанниева Магьиятлул. Магьият дуклай бур МахIачкъалалив Правовой академиялуву юридический факультетрай.
Ихтилатирттая махъ, ув­кунни балайрду, дунни къав­тIавуртту, конкурсру, викторинарду. ХIасил, хьунни дакIний личIансса вечер.
Ахирданий рирщунни студентътуращалсса дакIний ли­чIансса суратру.