Ларгсса шинал РЦОЗСиР центрданул (Республиканский центр охраны здоровья семьи и репродукции) пишакартурал дурну дур 1 453 ЭКО.

Центрданул пресс-службалий бувсъсса куццуй, ларгсса шинал Дагъусттаннай оьрчI бакъашиву хъин дан ва технологиярттал кумаграйну оьрчI бан хIадур бувну бур 1 659 лас-щар. 1 453 ЭКО-лува 900 дурну дур Республикалул ОЗСиР центрданий. ЛирчIми тIурча, дурну дур федерал центрдай ва МахIачкъалаллал, Москавуллал ва цаймигу шагьрурдал цивппа заллусса идарарттай.
Ларгсса шинал Дагъусттаннай, республикалул роддомирттал сияхIрайн бувну, ЭКО-лул кумаграйхчил дунияллийн бувккун бур 209 вилттили оьрчI.