ЦIуссалакрал райондалул бакIчинал бигарду биттур буллалисса Сулайман Рамазановлул тIалавшиннарайн бувну, Украиннал аьрщарай нанисса хасъсса аьралий операциялуву гьуртту хъанахъисса аьралитурал кулпатирттал газрахсса коммунал хIаллихшиннардал буржру яла бивчунни, мобилизовать бувсса аьралитурал мукьва кулпатрал газрах салкьи хьуну диркIсса 150 азарда къуруш лахъангу бакIрайн лавсунни.
Вай кулпатирттачIан газрах арцу дуллушиву тасттикь буллалисса квитанцияртту диян дан лавгунни ЦIуссалакрал райондалул бакIчинал цалчинма хъиривчу Султан ХIамзатов, ЦIуссалакрал шяраваллил бакIчи Сулайман Оьмаров ва экономист МухIмад Исраилов.
Мобилизовать бувминнал кулпатирттал цахара дурсса аякьалухлу дакIнихтунусса барчаллагь баян бунни райондалул каялувчитурайн.
