«Демографиялул» проектрал лагрулий

ДР-лул ЗахIматрал ва социал лябуккулул министерствалул 2023 шиналгу «Демография» тIисса федерал проектрал лагрулий агьалинан укра пишардал кIулшивуртту дуллалисса давур­тту дачин дуллан тIий бур. Программалийн бувну, уква лахьхьин бюхъантIиссар цIанасса ппурттуву рынокрай тIалавшиннарду дусса пишарду.

Гьашину ва проектран хасъсса программалул Постановлениелуву хьусса дахханашиннардайн бувну, укра пишардал кIулшивуртту ласунсса сияхIравун бухлай бур лихъачалтрал статус дусса ягу чIумуйнусса АьФ-лул аьрщарай яхьунсса ихтияр дусса Украиннал агьали.

ЗахIматрал министерствалул ва ДР-лул ХIукуматрал дурсса кьутIирдайн бувну, украсса пишардал кIулшивуртту ларсъсса 75% инсантурал давурттал щаллу бувну бур.
2022 шинал ДР-лул агьали давурттал дузал баврил органнал дурсса хIасиллайн бувну, Федерал информациялул системалийхчIин ва «Работа в России» порталданийхчIин 4000-хъул инсаннал буллуну бур украсса пишардал кIулшивуртту ласунсса аьрзри, миннува 2207 инсаннал ларсун дур пишардал кIулшивуртту. Дуккаву дурсса 2207 инсаннава давурттал щаллу увну ур 1600 инсан. 2022 шинал давурттал дузал бан ккаккан бувну бикIминнуяр 121, 1 процентрал ххишала хьуну бур.
ДакIнийн бутанну «Содействие занятости» тIисса программалувух гьуртту хьунсса аьрза булун бюхъайшиву агьали даврил щаллу байсса «Работа в России» тIисса цифровой платформалийхчIин.

Аьрза буллалини инсантурахь ихтияр дуссар цанна хасъсса программа ва идара язи бугьан­сса. Хъирив, аьрза буллуну шанма гьантлува, Агьали давурттал дузал байсса центрданийхчIин булун аьркинссар пишалун хасъсса паччахIлугърал хIаллихшинна тIалав дуллалисса документру.
Проектрал программалул кIулшивуртту дулавривух гьур­ттуну буссар «Агентство развития профессионального мастерства (Ворлдскиллс Россия)» тIисса коммерческий бакъасса идара, «Национальный исследовательский Томский государственный университетрал» федерал паччахIлугърал ларай­сса кIулшивуртту дулаврил автономный идара ва «Российская академия народного хозяйства и государственной службы при Президенте РФ» тIисса федерал паччахIлугърал бюджетрал ларайсса кIулшивуртту дулаврил идара.
КIулшивуртту дулаврил программарттал лахъишиву дур кIира нюжмардия шанма зуруйн дияннинсса. Шикку дур очнайну, очнай-заочнайну ва манзилданул журалийсса дуккаву.