ТтурчIиял жяматрал вакилтурал акция

ТтурчIиял жяматрал вакилтурал акция

Ларгсса шинал ахирданий ТтурчIиял жяматрал дянив махъ нанисса инсантурая сакин хьусса «ТтурчIидагъ» ккурандалул вакилтал – Растиван Беков, Амжад Сулайманов, Зайнулла Мирзоев, Сайпулла Мирзаев, Назим Щайхаьлиев, Симардин Сулайманов, Аьбдулла АхIмадов ва ХIажимурад Даудов бивунни хасъсса аьралий операциялуву гьуртту хъана­хъисса цала шяравасса аьралитурал кулпатирттачIан. Укун­сса 11 кулпат бур. ТтурчIиял жяматрал цIания ЦIусса шинащал барчагу бувну, гьарца кулпатран кумагран шяраваллил жяматрал дартIсса арцуя дуллунни 30 азарда къуруш. Арцущал архIал гьарцагу конвертраву бивхьуну бия аьраличуначIансса укунсса чагъаргу:
Ватан дуручлачисса хIурмат бусса ттурчIиричу!
Жун кIулли ина вила жандалун нигьачIаву дусса дяъвилул ишру нанисса кIанттурдай ушиву. Ина нигьа къаувсунна, хьхьара къадурунни. Ина чара бакъа цIуллуну, сагъну, ххувшаврищал вила шавай зана хьунтIиссара. Бусса оьрмулий вища инсантурал иттав кьянкьану уруган хьунтIиссар. Ина талай уссара жула бучIантIимунил, жула билаятрал, халкьуннал цIаний, жула дингу, мазгу, аьдат-эбадатругу ядаврил цIаний. Жува щилкIуй биялдарай къабикIан. Ина авцIуну уссара жула лавгмур, чувшиврул тарих, Рейхстаграй ттугъ бивщусса буттахъал аьпа буруччаврил цIаний. Лайкьну ядува буттахъал цIа.
Жула буттахъул Германнавун бувхсса чIумал, чIявусса немец цанма цала буллай бивкIссар, ццах увкуну. Утти 80 шинал лажиндарай тай жуйнма барчаллагьрай буссар, цаява цивппа ххассал бувну тIий. Мукунма бикIантIиссар Украинагу.
Билаятрал мурадру буруччин аьралий операциялуву гьуртту хьун лавгун ина хъуннасса чувшиву дурссар. ДакIний бити, инава ци кулпатравасса, ци шяравасса, ци райондалиясса, цумур республикалиясса ва билаятраясса уссарав. Лайкьну лахъи вила бакIрачIан дуркIсса кьини. ДакIний бити, гьарца вил зумату бувксса мукъуйну, инара дурсса тIулуйну, хIатта вил чIалачIиндарайнугума, республикалун ва вил миллатран кьимат бищунтIишиву.
Лайкьну дуручча Аьрасатнал саллатIнал бусравсса цIа ва ччясса мутталий ххувшаврищал зана хьу.
Вил ватанлувтал,
Ттур­чIиял агьлу

Андриана Абдуллаева

Андриана Абдуллаева

Читайте также: