Баргъбуккавал аьралий округрал командующий Рустам Мурадовлул дакIнихтуну барчаллагь увкунни Дагъусттаннал БакIчи Сергей Меликовлухь ва Дагъусттаннал ХIукуматрал председатель Аьбдулмуслим Аьбдулмуслимовлухь, хасъсса аьралий операциялуву гьуртту хъанахъиминнан ва миннал кулпатирттан буллалисса кумаграхлу.
– Мажал бакъашиврух къабурувгун, зу мудангу лякъару чIун жула вирттаврал чIарав бацIансса. ЛяличIинува барчаллагь учин ччай ура зухь къуллугърал бурж бартбигьлай жан дуллусса полковник, хIакьсса патриот Марат ХIажибалаевлул гъан-маччаминнаха дурсса аякьалухлу ва кумаграхлу. Ванал жан дуллуссар Ватандалул цIаний, тачIав хъамакъаитантIиссар. ЧIа тIий ура зу буллалисса захIматрал ххуллий тIайлабацIу, – тIий, чивчуну бур телеграммалий.
