Премьер-министр хьунаавкьунни культуралул зузалтращал

Премьер-министр хьунаавкьунни культуралул зузалтращал

Дагъусттан Республикалул ХIукуматрал председатель Аьбдулмуслим Аьбдулмуслимов хьунаавкьунни Культуралул министерствалул коллективращал.

Премьер-министрнал вичIи дирхьунни ведомствалул дуллалисса давурттал, хьхьичIу­ннайшивурттал, культура дуруччавриву, хьхьичIуннай дав­риву хьунадакьлакьисса захI­матшивурттал ялувсса ихтилатрах.
Республикалул Культуралул министерствалул коллективран хасну бувсса цалвамур ихтилатраву ванал кIицI лавгуна культура ядавриву, махъа нанисса никиран багьайсса даражалул пишакарсса кIулшивуртту дулавриву цуксса бунияласса жаваблувшинна ду­ссарив ведомствалий.

Ведомствалул каялувчи Зарема Буттаевал бувсуна Да­гъусттаннал халкьуннал шаэр Фазу Аьлиевал 90 шинал юбилейран хасну дурсса шадлугъирттая, «Лезгинка» ансамбльданун буллалисса къатри щаллу шаврия, федерал программар­ттал лагрулий дуллалими давурттая. ХIукуматрал председательнал кIицI лавгуна республикалулми программартту щаллу давриву цащава шайсса кумаг бувантIишиву.
Гьарта-гьарзану бавцIуна Дагъусттаннал халкьуннал шаэр Расул ХIамзатовлул 100 шинал юбилей кIицI лагаврийгу.

Читайте также: