Сакин бунни «Этномедиахолдинг»

Дагъусттан Республикалул ХIукуматрал хIукмулийн бувну сакин буллай бур Дагъусттаннал миллатирттал мазурдий итабакьлакьисса республикалул лагрулийсса ацIния шанма кказитрал редакциярду цачIун хьун бувсса «Этномедиахолдинг» тIисса паччахIлугърал бюджетрайсса идара.

Шивун бухлахиссар: яру мазрайсса кказитрал редакция «ХIакьикьат»; дарги мазрайсса кказитрал редакция «Замана»; лазги мазрайсса кказитрал редакция «Лезги газет»; къумукь мазрайсса кказитрал редакция «Ёлдаш»; лакку мазрайсса кказитрал редакция «Илчи»; рутул мазрайсса кказитрал редакция «Рутульские новости»; агъул мазрайсса кказитрал редакция «Вести Агула»; «Ватан» кказитрал редакция; «Дербент» кказитрал редакция; «Зори Табасарана» кказитрал редакция; «Нур» кказитрал редакция; «Голос степи» кказитрал редакция; «Нийсо» кказитрал редакция.
«Этномедиахолдинграл» каялувчину ккаккан унни ГъазимахIаммадлул арс Арсен Юсупов.
Холдинграл учредительну хъанахъиссар ДР-лул Информациялул ва печатьрал агентство.