Argentina’s Lionel Messi celebrates with the trophy and teammates after winning the World Cup REUTERS/Carl Recine
Катардай хьусса футболданул Дунияллул чемпионат къуртал хьунни Аргентиналул цачIундур команда ххув шаврийну. Ва хьунни 92 шинал тарихраву ца яла дакIний личIанмур турнир. Махъва-махъсса тIуркIулуву Кьиблалул Американал команда ххув хьунни 2018-ку шинал Дунияллул чемпионатрай ххув хьуну диркIсса Франциянал командалияр (3:3; пенальтилий – 4:2)
Шамилчинмур кIанттул цIаний Хорватиянал цачIундур команда ххув хьунни Марокколлал командалияр (2:1).
Футболданул чемпионатрай дирхьунни тамансса рекордругу. Дур ляличIисса хьхьичIуннайшивурттугу.
Тарихраву цалчин Дунияллул чемпионатрай цалчинмур гол бавкьунни пенальтилий. Катардал ва Эквадордал дянивсса тIуркIулуву Эннер Валенсиял счет тIиртIунни 16-мур минутIрай, пенальти бартбивгьуну.
Катар – Дунияллул чемпионатрал заллусса билаятри, турнир тIитIаврил тIуркIулуву дух хьусса.
Джуд Беллингем – цалчинма тIуркIучири 2000 шиная махъ увсса, мунал бавкьуссар гол Дунияллул чемпионатрай.
Ингилиснал цачIундур командалул 19 шинавусса полузащитникнал бавкьунни гол Ираннал къапулувун.
Дунияллул чемпионатирттал тарихраву яла лахъи лавгмур тIуркIу – 117 минутI ва 16 сек.
