– Ниттихъал кьини жу гьар мудангу бияйссару аьпалухьхьун лавгсса жула зузалтрал ниттихъачIан. ХIарачат барду миннах ххишаласса къулагъас дан, кIулну бикIаншиврул жун жула зузалт ва миннал кулпатру тачIав хъамакъабитантIишиву, миннан аьркинсса кумаг бан хIадурну бушиву, – увкунни Дагъусттаннал Росгвардиялул управлениялул хъунама полковник Александр Ореховлул.
Мероприятиярттал лагрулий Росгвардиялул зузалт мукунма хьунабавкьунни «Гвардиялул смена» тIисса хасъсса классирттал дуклаки оьрчIащал. Бунни миннащал Ватандалул ва кулпатрал гьарица инсаннал оьрмулуву агьамсса кIану бугьлай бушивриясса ихтилатру.
Росгвардиялул зузалтрал мукунна сакин дунни оьрчIал суратирттал конкурс.
