Ва иширал дайдихьу хьуну дур ххуллункьини, дайлитIу тIурча – итникьини. Италиянал кулпатрал шанма гьантта хьуну бур ляличIину аварасса. Кулпат буван диял шай ччаву, кулпат ябан цири диял къашаймур?
Ва суалданунсса жавабрах зурул лажиндарай луглай бия режиссер — ГИТИС-рал студентка Татьяна Родина ва Лакрал театрданул актертал.
Бухьхьияра Качар ХIусайнаевал пасихIну лакку мазрайн бувцусса Италиянал драматург Эдуардо де Филиппол пьесалиясса «Ххуллун, алхIат, итни» тIисса спектакльданул премьералийн.
Ноябрь зурул 25-нний, нюжмаркьини, премьера хьунтIиссар лакку мазрай, 29-нний, итникьини – оьрус мазрай.
Спектакльдануву гьурттуну бур Дагъусттаннал халкьуннал артистал Аслан МахIаммадов, Шамсуттин Къапланов, Луиза Шагьдилова, Саният Рамазанова, Дагъусттаннал лайкь хьусса артистал Зинаида Чавтараева, Артур Абачараев ва цаймигу жагьилсса гьунар бусса артистал.
Суратрай: спектакль художествалул советрайн тапшур буллалисса лахIза.
Явара, лях къагьан!
Электрон билетру ласун бюхъайссар ва хIалушиндарайхчин: www.lakral-teatr.ru .
Мукунма билетру тIалав бан бюхъайссар вай номердай оьвкуну:
Хъунама администратор: 8-988-219-00-94.
Касса: 8-928-875-60-10.
Зий дуссар «Пушкинская карта».
Байбихьлахьиссар 18.30 ссятраву.
Хъиривсса спектакллу лях къагьаншиврул, хъирив бацIияра жул афишалул!
