Аьралуннаву къуллугъ буллан арс тIайла увккунни

Аьралуннаву къуллугъ буллан арс тIайла увккунни

ЦIуссалакрал райондалийгу ноябрь зурул 1-нний дайдирхьунни ссуттилсса призыврал кампаниялул даву. Гьарица шинах нанисса призыврал кампаниялул даврил лагрулий, аьралуннаву къуллугъ буллан буцлай бур 18-ннива 27 шинавун бияннинсса жагьилтал.

Шиккува кIицI лаган, аьралуннаву къуллугъ баврия махъун бутансса ихтияр дуссар очныйну дуклакисса студентътурахь, кIива ягу шанма оьрчIру бусса буттахъахь, оьрмулул бугьара-сса, буругансса бакъа ливчIсса инсантурах буруглагиминнахь, IT- пишакартурахь ва мукунма аьралуннаву къуллугъ бан бучIи къабуллалисса медсправка дусса инсантурахь.
ЦIуссалакрал райондалийсса Барчхойотар шяраваллил бакIчи Ханпаша Жанмурадовлул, махъун утансса сант дунура, ссуттилсса призывниктуравух аьралуннаву къуллугъ буллан цала арс Рашид тIайла уккансса хIукму бунни.

Рашид, аьралуннаву къуллугъ буллан уциншиврул, цува дуклакисса педколледжрава академический отпуск лавсун увкIун ур. Колледжраву Рашид уссия системный администраторнал пиша лахьлай.

Призывниктуран ва миннал нитти-буттан кIулну бикIаншиврул буслай буру, цIанасса призыврал оьрчIру хасъсса аьралий операциялувух гьуртту къахьунтIишиву, жагьилтал так аьралуннаву къуллугъ буллан буцлацишиву. Му бакъассагу, вай призывниктал аьралий къуллугъ буллан цIусса регионнайн: ДНР, ЛНР, Запорожский ва Херсонский областирдайн гьан къабантIишиву. Цанна ккаккан дурсса чIумуйсса къуллугъ бувну махъ итабакьинтIиссар аьралуннава.

Аватар

Имара Саидова

Журналист, обозреватель. Освещает культурные собыия в Лакском и Новолакском районах.

Читайте также: