МахIачкъалаллал аэропорт хьунни «ЗахIматрал лябукку» («Производительность труда») тIисса нацпроектрал цIусса гьурттучи.

Ноябрьданул 9-нний аэропортрай хьунни Компетенциярттал федерал центрданул (ФЦК) ва ДР-лул Минэкономразвитиялул вакилталгу гьурттусса батIаву. Нацпроектрал мероприятияртту бартдигьаврийну бюхъантIий бур букьан буван мюнпат бакъасса производствалул ишру ва гьарза дуван дучIия.

ХьхьичI бивхьусса масъалартту дузал буваншиврул ФЦК-лул дувантIий дур аэропортрал циняв хасъсса къуллугъирттал давурттал анализ ва хIадур дантIий дур бизнес-иширттал оптимизациялул мюнпатсса методикалул стратегия. МахIачкъалаллал аэропортрал гендиректор Сяид Рамазановлул тIимунийну, вай давуртту даврийну, бюхъантIий бур кIул дуван производствалул иширттавусса диялдакъашивуртту ва захIматшивуртту ва ми дукьан дуллан.

ДР-лул экономикалул ва территориярттал лябуккулул министр Шамил Аммаевлул барча кунни аэропортрал зузалтрахь нацпроектравун хIала-гьуртту шаву.
Нацпроектрал мурадирттая ва масъаларттая, мукунна пландалийн ларсъсса давуртту цукун бартдигьлан аьркинссарив бувсунни ФЦК-лул проектрал хъунама каялувчи Константин Павловлул ва аэропортрал гендиректорнал хъиривчу Заур Аьлиевлул.