Вай гьантрай 70 шинал юбилей хьунадаркьунни миллатрал кказит тIивтIуния шийнай редакциялий щупирну зузисса, ЧукIуннал шяраватусса Гъапуров Ширвани Санинал арснал. Мудана пиш тIийнасса, буллалисса ихтилат иминсса, хасиятрал паракьатсса, дуллалисса давриву усттарсса Ширвани ччянива ххира хьуссар щалагу коллективран.
ЖучIа Ширванинал хIурмат-кьимат лавайссар, бусраврай уссар.
ДакIнийхтуну барча уллай, чIа тIий буру Ширванинан цIакьсса цIуллу-сагъшиву, кулпатраву нахIушиву, хIалимшиву.
Вила буциринная ххарину, оьрчIая, оьрчIал оьрчIая рязину ванияр тихунайгу итаннав ина оьрмулул уччиннин.
«Илчи» кказитрал коллектив
