МахIачкъалалив, М. Горькийл цIанийсса Оьруснал театрдануву, хьунни Мурад Къажлаевлул музыкалийнусса «Вернисаж» балетрал премьера.

Балетраву агьаммурну дур композиторнал цалла сипат, образ. Шиву ккаккан дуллай бур ванал дакIнийн бичавуртту. Балетраву бумур (реальность) ва хьхьичI бацIан буллалимур (фантазия) музыкалийхчин ва суратирттайхчин «сагъ хъанай бур». Шоу-балетрал цилва тамашачитал буцлай бур ларгсса ттуршукулул дязаннив, 50-70-ку шиннардивун – композиторнал оьрму творчествалул ва романтикалул бувцIусса чIумувун.

Либреттолул авторну ва «Вернисажрал» хореограф-постановщикну ур Дагъусттаннал Опералул ва балетрал хъунама балетмейстер, АьФ-лул лайкь хьусса артист Муса Оздоев.
Сценограф ва костюмирттал художник – Валида Къажлаева – композиторнал арснал душ.
Шоу-балет уттичIин, пландалийн бувну, ккаккан бувантIиссар ноябрьданул 17-нний.