ЦIуссалакрал райондалул дуклаки оьрчIругу хIала бувххунни 3-мур октябрьдания шихуннай щалагу Аьрасатнаву нанисса «Письма добра солдатам» тIисса акциялувух. Акциялул лагрулий дакI дансса чагъарду чичлай бур Украиннаву хасъсса аьралий операциялуву гьуртту хъанахъисса жула аьралитурачIан. Акциялуву гьуртту хьунни райондалийсса 23-гу школалул дуклаки оьрчIру. Аьралитурал бусласимунийн бувну, цинявппа чагъарду вайнначIан бияйсса бур, миннул саллатIнал дакI дайсса дур.
Укунсса акциярдая цанма дуклаки оьрчIангу мюнпат бур. Вайннан дурчIлай дур Аьрасатнал Украиннаву буллалисса аьралий операциялул мяъна-мурад, бутлай бур ялун нанисса никиравун буттал кIанттухсса ччаврил гьавас.
