ХIакьину агьалинавун биялсса аваза тема дур Дагъусттаннал
Конституциялуву дахханашиннарду дуван хIадур хъанай бушиву.
Юристътурахь цIувххуну жу цаппара суаллансса жавабру хIадур
дуварду.
— Цукунсса дахханашиврттаяр ихтилат?
— Жулла паччахIлугърал ва билаятрал циняв регионнал территориал
целостностьрал жаваблушинна Аьрасатнал Президентнай дишавур.
Билаятрай ца Президентри усса, дазурду ядаврил ва дуруччаврил
гарантгу Президентри хъанахъисса.
— Ци чарабакъашивур цIанакул ми дахханашивуртталсса буллан?
— Укунсса дахханашивуртту Аьрасатнал Федерациялул
Конституциялуву цIакь дурну дуссар. Дагъусттанналмур
Конституциялувугу дахханашинна дуван багьлай буссагу муниятур,
учиннуча, бюрократическая процедурар. Федерал лагрулийсса
дахханашивуртту дуркун, регионнайгу цIакь дуван аьркинссар.
Региондалул закону федерал законнайн муттаэ дуккан къашайссар.
— Циванни гьамин Дагъусттанная байбихьлахьисса дахханашиврутту
дуллай?
— Ва анжагъ Дагъусттаннай дуллалисса даву дакъар, щалвагу
билаятрай дуллай дуссар ва даву. Регионнал документру федерал
документирттацIун цIакьри буллалисса. Конституциялувусса вай
дахханашивуртту дурссар Аьрасатнал 30 субъектрай. .
— Вай дахханашивруттайн бувну республикалул дазурду даххана
дуваву хьун бюхъайсса ишрив?
— Субъектирттал дянивсса дазурду даххана дуван чанма-чанну кIийла
референдум буван аьркинссар. Граждантал хIала бакъа ва ишираву
цукунчIавсса хIукмурду къабувайссар. Яъни, агьалинал мурад чара
бакъа хIисаравун ласайссар. Агарда агьали дазурдал дя-зума
дуваврийн къаршийну бухьурча, дазурду даххана дуван къашайссар
щищачIав. Мукунсса масъалартту агьалинахь цIувххуну махъ,
Халкьуннал Мажлисрал ххал бигьайссар, яла муний региондалул
хъунаманал къулбас дуван аьркинссар. Муния махъ документ
булайссар Федерациялул Советрайн, так муния махъри документ
цIакь бувайсса Аьрасатнал Президентнал.
— Циванни туну агьали ми дахханашивурттая вас-ццахлийсса?
— Агар агьали вас-ццахлий бухьурча, микку эцIа буссар агьалинан ми
дахханашивурттал хIакъираву ссаву ци буссарив ххуйну
къабувчIушививрувур. Агьали бур Дагъусттаннал хъунаманай
территориялул целостьнахру жаваб дулаврил тIалавшинна дакъассар
учайхту, республикалул дазурду къадурччуну личIантIисса кунма,
даччин хьунсса ххай. Дагъусттаннал БакIчинал дазурдал ялувсса
жаваблушинна Аьрасатнал Президентнайни вихшала дуллалисса.
Ялунгума Президентнал даражалийнни гьаз дудллалисса дазурдал
саргъуншиву ва мюхчаншиву.
