АхIмад-Хан Султаннул цIанийсса МахIачкъалаллал аэропортрай гьашинусса шинал январь зуруя сентябрьданийн бияннин кьамул увну ур 1928820 пассажир, ларгсса шиналсса вара чIумущал архIал бивхьуну 29,6 % ххишаласса хъанай ур.

Шанма кварталданул мутталий дурну дур 15316 рейс. 2021-ку шинащал цачIу бивхьуну 27,3% ххишаласса рейсру дурну дур. Мукунна дурххуну дур 3444 тонна кьайлул.
МахIачкъалаллал аэропортрая дуллалисса яла тIалавми рейсру дур Москавлийн, Санкт-Петербурглив, Сургутлив, Сочилийн ва Екатеринбурграйн­сса. Мукунна, дазул кьатIув дуллалими рейсирдава яла тIалавми дур Стамбуллайн, Дубайлив, Анталиянавун ва Ереваннайнсса.

Авиакомпаниярттаву пассажиртуран яла тIалавмину ккаллину дур «Победа», «Аэрофлот» ва «Северный ветер» авиакомпанияртту.
2022-ку шинал дайдихьулий МахIачкъалаллал аэропортрай тIиртIунни Ижевскалийнсса, Самаралийнсса, Уфалийнсса, Нальчикрайнсса, Тюменнайнсса ва дазул кьатIув – Ташкентлив, Бухаралив, Анталиянавун, Ереваннайн, Ургенчлив ва Наманганнайнсса цIусса рейсру.

Ухссавнил Ккавкказуллал Федерал округрай Совет Союзрал кIийла Виричу АхIмад-Хан Султаннул цIанийсса Ма­хIачкъалаллал аэропорт, цIу-цIусса рейсру тIитIлай, ца яла чIявуми пассажирттал кьамул бай­сса аэропортран, ккаллину бур.