Ккуллал райондалул бакIчи Шамил Рамазановлул каялувшиндаралу мобилизациялуцIунсса масъалартту ххал бигьлагьисса совещание хьунни.
Ваний гьурттушиву дунни ДР-лул ХIукуматрал чулуха мобилизациялуцIун бавхIусса иширттал Куратор Эльмара Аслановал, Райондалул собраниялул депутатътурал, Ккуллал ва Лакрал районнал прокурор ХIусайн Аьлиловлул ва шяраваллал бакIчитурал.
Мобилизациялул хIакъираву цалла дуллалисса давурттая балжину бувсунни администрациялул вакилтурал, шяраваллал бакIчитурал, военкоматрал ва «Лакский» МО МВД-лул зузалтрал.
– Украиннайсса хасъсса аьралий иширттавух гьурттушинна дуванминнавух хьхьичIва-хьхьичI бур уттинин запасрай бивкIсса, ВС-луву къуллугъ бувсса, аьралий хасъсса пиша бусса инсантал. Вай, Аьралий центрдай хIадургу бувну, учениярттая махъ талатавуртту дакъасса кIанттурдайн ва Донбассрай мюхчаншиву дуручлан тIайла буклантIиссар. Дяъвилул иширттавух вай гьуртту къахъанантIиссар, – увкунни Шамил Рамазановлул.
Мобилизациялия махъаллил хъанай, багьантту ляхълахъиминнан ци танмихI буссарив мяълумну бувчIин бунни ХIусайн Аьлиловлул.
Ванал мукунма баян бунни шяраваллал бакIчитурайн, ВСУ-лул зузалтрайн АьФ-лул Президентнал мобилизациялул хIакъираву кьамул бувсса указрал чулухуннай жаваблувсса бургаву дикIан аьркиншиву ва райондалийсса цума-цаннайнгу хъар хъанай душиву жула билаятрал цашиву ва мюхчаншиву.
Аминат АхIмадовал
