ЦIуссалакрал райондалул школарттал учительтурал райондалул хъунаманачIан чагъар чивчунни, ца кьинисса харж хасъсса аьралий операциялуву гьуртту хъанахъиминнан, мобилизоват бувминнан ва миннал кулпатирттан кумагран бацIан бувара тIисса.
Ванийн бувну ЦIуссалакрал райондалул бакIчи МахIаммад-ХIажи Айдиевлул хIукму бунни резерврал фонд тIитIин. Дургьусса арцух ласун бюхъантIиссар хъунисса вещмешокру, кIинттул лаххансса берцы, кIинттулсса ва гъинттулсса камуфляж янна, гъили жуларду ва лултту янна, шюшу-лакьулун аьркинмур. Вай гьарзат ларсун махъ лирчIсса арцуя кумаг бантIиссар СВО-лул гьурттучитурал ва мобилизоват бувминнал кулпатирттан.
Му мурадрай, райондалий сакин бувну бур штаб. Штабравуми аьралитурал кулпатирттачIан бивну, кIантту-кIанттурдай кIул бантIисссар ци кумаг аьркинну бурив.
ДакIнийн бутан, хIакьину Украиннаву хасъсса аьралий операциялуву гьуртту хъанахъиминнаву чансса бакъар ЦIуссалакрал райондалияссагу. Сентябрь зурул 21-нний Аьрасатнал Президент Владимир Путиннул баян бувсса мобилизациялул лагрулийгу райондалия цаппара резервистурал группарду лавгссар.
КIицI лаган, сакин бувсса фондравун арцу дичин бюхъайссар депутатътураща, бизнесментураща ва гьарица ччисса инсаннаща.
