Дагъусттаннай зий байбивхьунни щалагу Аьрасатнал просветительский проект «Национальная театральная школа».
Мунин хасъсса пресс-конференция хьунни ТАСС-рай Санкт-Петербург — Дагъусттан — Бурятия — Коми телемострал лагрулий.
Зулайхат Тахакьаева
Проектрая гьарза-гьартану бувсунни Аьрасатнал Александринский драматический театрданул директор, «Национальная театральная школа» проектрал лидер Сергей Емельяновлул, Дагъусттан Республикалул культуралул министр Зарема Буттаевал, Маданиятрал сиптардал Президентнал фондрал хъунама директор Роман Кармановлул, Санкт-Петербургуллал паччахIлугърал университетрал проректор Анастасия Ярмошлул.
Александринский театрданул сукку бувсса щалагу Аьрасатнал просветительский проект зун тIий бур регионнал магьирлугъ цIусса даражалийн дуцавриха: жагьилсса пишакартуран экспертътурал лахьхьин буллан тIий бур театр хьхьичIунмай баврил ялув зунсса куц. Яла миннан булун тIий бур пишакаршиву ларай дуршиврул паччахIлугърал документ. Хъиривмур шинал февраль зуруйннин проект зун тIий бур Аьрасатнал мяйва региондалий.
«Национальная театральная школа» проектрал хьхьичI бивхьусса агьаммур мурад бур кадрарду хIадур бансса, билаятрал миллатирттал театрдал тIалавшиндарах бургарча, оь жагьил баврищал аьркинну бур зузаврил цамур даража.
– Яла цIуцIимур кIану хIакьинусса кьини бур театрдаву зунсса пишакартал махъа най бакъашиву. Ва буруккин цуппагу щала Аьрасатнаву агьамсса ххуттай бур, – тIий ур Сергей Емельянов. –Жунма хъамабитлай бур хIадур дуллан багьлай бушиву творческий каялувчитурал цIусса ник. Регионнай тIурча, хаснува ччай бур пишакарсса магьирлугъ чIумущал ша бизлай най.
«Национальная театральная школа» проектрал уртакьтал бур билаятрал цIанихсса вузру – СПБГУ, ГИТИС, РГИСИ. Итадаркьуну дур миллатирттал художествалул каялувчитал, хъуними режиссертал хIадур буллансса магистршиврул программа. Цалчинсса пишакартал итабакьин тIий бур кIира ва дачIи шинава.
Июнь зуруй тIурча, зий бивкIун бур гъинттулсса школа «Технический менеджмент», миллатирттал театрдал художественно-постановочный даврий каялувшиву дуллансса пишакартал хIадур буллалисса.
Александрийский театрданул сахIнардай му даву лахьхьин бувкIун бур Мордовиянавасса, Башкортостаннаясса, Татарстаннаясса, Хакасиянавасса, Карелиянавасса, Удмуртиянавасса, Марий Эл республикалиясса, Чувашиянавасса ва Псковский областьраясса пишакартал.
Дагъусттан хьуну бур «Национальная театральная школа» проект цалчин кьамул бувсса регионну. Октябрь зурул 5-нния 7-ннийн курсирдах вичIидишин тIий бур мукьцIаллий ххюя жагьилсса пишакарнал. Проектрал цалчинмур щатIуй гьуртту хьун тIий ур шанттурша инсан.
Дагъусттанная мукьах проект кьамул бан тIий бур Татарстаннал (Казань), Бурятиянал (Улан-Удэ), Башкортостаннал (Уфа), Марий Эл (Йошкар-Ола) ва Коми республикарттал (Сыктывкар), Сахалинскаллал областьрал (Южно-Сахалинск) ва Камчатскаллал крайрал (Петропавловск-Камчатский).
«Национальная театральная школа» проектрай гьуртту хьун бюхълай бур ларайсса, дянивсса пишакаршиврул ва дянивсса хасъсса кIулшиву дусса 18 — 35 шинал оьрмулувусса магьирлугърал ишккаккултраща. Роман Кармановлул дакIнийн бувтунни проект «Национальная театральная школа» ххув хьуну бушиву магьирлугърал сиптардал Президентнал фондрал конкурсрай ва хIасул бувну бушиву мува фондрал кабакьаврийну.
– Александринский театрданул проект хъанай бур ляличIисса проект. Укунсса проект цамур бакъассар. Цувгу хIасул бувссар хасну жяматран агьамсса тIалавшиннарду хIисаврайн ларсун.
«Национальная театральная школа» проектрал кабакьу бантIиссар карьералул лавай хьун. Муния хъунмасса мюнпат хьунтIиссар творчествалул аралуву цIусса цIардах мюхтажсса регионнан ва билаятран.
Зарема Буттаевал барчаллагь увкунни сакиншинначитурахь проект цалчин Дагъусттаннай зузи баврихлу.
– Гьай-гьай, ацIния кIива пишакарсса театр зузисса, миннувагу мяйва театр миллатирттал мазурдийсса Дагъусттаннай миллатрал театрал школалул проект хъинну аьркинсса ва агьамсса проектри, ттизаманнул каялувшиврул иширттаву хIала-гьурттуну бикIаншиврул, – увкунни министрнал
Пресс-конференциялия махъ «Россия – моя история» музейраву хьунни «Национальная театральная школа» проектран хас дурсса пленарное заседание. Муний гьуртту хьунни ДР-лул ХIукуматрал хъунаманал хъиривчу Муслим Телякавов, Аьрасатнал Александринский драматический театрданул директор, «Национальная театральная школа» проектрал лидер Сергей Емельянов, Дагъусттан Республикалул культуралул министр Зарема Буттаева, Маданиятрал сиптардал Президентнал фондрал хъунама директор Роман Карманов, Санкт-Петербургуллал паччахIлугърал университетрал проректор Анастасия Ярмош, ГИТИС-рал профессор Александр Бармак.
Заседание дайдишин хьхьичI бавтIминнан ккаккан дуруна Аьрасатнал культуралул министр Ольга Любимовал видеообращение. – Аьрасатнал халкьуннал магьирлугърал ирсирал шинал миллатрал театрал школалул проект хъинну бучIину лякъинссар. Миллатирттал театрду хьхьичIунмай баву жула билаятрал халкьуннал магьирлугъ ядаврил буруккинттаву хьхьичIунсса ххуттай буну тIий,– увкунни Ольга Любимовал.
«Национальная театральная школа» проектрал хьхьичI бивхьусса агьаммур мурад бур кадрарду хIадур бансса, билаятрал миллатирттал театрдал тIалавшиндарах бургарча, оь жагьил баврищал аьркинну бур зузаврил цамур даража.
Республикалул БакIчи Сергей Меликовлул цIания хъамаллурахь чабувкругу увкуну, Муслим Телякавовлул агьамсса ишну кIицI лавгунни мяйва региондалий хъинчулий ккавксса сипта хасну Дагъусттаннай дайдихьлай душиву.
– Дагъусттан – ва бур урчIва миллатрал мазрайсса театрданул ужагъ. Вайннул чIирттава бувкссар сахIналул ч1явусса усттартал, актертал, режиссертал, художниктал, декоратортал. Вай цинявппагу шала дуцлай буссар буттал кIанттул театрал магьирлугърал аьдатру, – увкунни вице-премьернал.
Ванал мукунма кIицI лавгунни шиная шинайн Дагъусттаннай дуллай бушиву хъунисса театрал форумру. Фестиваль «Русская сцена», Совет союзравун духлай диркIсса республикарттал ва архмур кьатIаллил билаятирттал оьруснал театрдал актертал ва режиссертал цачIун батIлатIисса, Халкьуннал дянивсса миллатирттал театрдал фестиваль, БРИКС-рал билаятирттал дянивсса ссихьрал театрдал фестиваль.
А. Къапиевлул цIанийсса Лакрал музыкалул ва драмалул театр тIитIлай бур 87-мур сезон «Ччаву ва макь» тIисса С. Кьасумовлул пьесалийнусса спектакльданийну. Гъумучиял ПатIиматлул ва Бархъаллал Маллайл караматсса ва бакIуйн къадурксса эшкьи-ччаврил кьисса.
Бухьхьияра бигьалаган! Байбихьлахьиссар 18.30 ссятраву.
Билетру тIалав бан бюхъайссар ва номерданий оьвкуну:
8- 928-875-60-10
Му бакъассагу, хъуннасса къулагъас дуллай буссар театрал зузалтрал пишакаршиву ларай даврих.
«Национальная театральная школа» проект ва вайннуха лавхьхьусса цаймигу проектру сававну асар хъанай бур жува чIяву миллатру бусса, чIярусса культурарду дусса билаятрал батIул къашайсса бутIа хъанай бушиву», – увкунни Зарема Буттаевал.
– Билаятрал пишакарсса кадрарду цIакь баврил ххуллийсса Аьрасатнал регионнал ва миллатирттал театрдал ассоциациялул гужру цачIун бувну ва хъинсса дайдихьулул сиптачину бувккунни Александрийский театр,– увкунни министрнал.
Сергей Емельяновлул бувсунни шанма гьантлий республикалий магьирлугърал мукьцIаллий ххюя жагьилсса ишккаккул пишакаршиву ларай давриха зун тIий бушиву ГИТИС-рал ва Санкт-Петербургуллал паччахIлугърал университетрал хьхьичIунсса экспертътал.
