Вай гьантрай Хасавюрт шагьрулул, Хасавюртуллал ва ЦIуссалакрал районнал цачIусса аьралий комиссариатрал тIайла бувккунни ирглийсса резервистурал группа. Миннавух бия ЦIуссалакрал райондалия хушрай наниссагу. Вай тIайла буккан призыврал пунктрайн бувкIунни ЦIуссалакрал шяраваллил бакIчи Сулайман Рамазанов, администрациялул зузалт, гъан-маччами.

Резервистурахьхьун дуллунни къуллугъ буллалисса кIанттурдай аьркин дагьаймур, лахху-ликкия.
Миннахь бувсунни цанна цукунсса хIаллихшиннарду дикIантIиссарив, зуруй циксса арцу дагьлагьиссарив, райондалул чулуха мобилизациялул хьун бувминнал кулпатирттан ци ка-кумаг бикIантIиссарив.
КIицI лаган, цIу бутIуй жагьилтал тIайла буккантIиссар хIадур бай центрдайн, яла – Донбассрайн, хасъсса аьралий операциялуву гьуртту хьун.
Вайннахь ххуллухъин тIисса ихтилат бунни аьралий комиссар Абакар Даудовлул ва Сулайман Рамазановлул.