Учительнал кьинилуцIун бавхIуну С. Орджоникидзел цIанийсса Машиностроениялул ва сервисрал колледжрал «Защита в чрезвычайных ситуациях» тIисса пиша лахьлахьи­сса 2-мур курсрал студентътал ва колледжрал «Спасатель» тIисса кьюкьлул волонтертал лавхъунни 2355 м. лахъшиврийсса ТтурчIайнна-Зунттуйн. Мероприятиялул мурад бия оьрчIру цIуллу-сагъсса оьрмулийн, кьянкьасса низамрайн кIункIу баву, сивсуну, кьянкьа-кьурчIину, жаваблувну, иш багьний занакьулу бикIан кIулну, кувннал кувннан кумаг буллай вардиш баву.

ТтурчIайнна-Зунтту – тарихравун багьсса кIантту бур. Ши­ккур Хан- Муртазааьлил каялувшиндаралусса Дагъусттаннал миллатирттал цачIундур кьюкьлул Дагъусттаннайн ххявхсса Ираннал Надир-Шах ххит увсса.

---

2015-ку шинал колледжраву «Защита в чрезвычайных ситуациях» пиша лахьлан бивкIния шийнмай, гьарица шинах, Учительнал кьинилун хасну шикку дуклаки­сса студентътал лахъай­ссар ТтурчIайнна-Зунттуйн.

---

Махъсса шиннардий зунттайн лахъан, зунттаву бигьалаган ччисса инсантал чIяву хьуну бур. Укунсса аьрххирдай оьрмулун, цIуллу-сагъшиврун нигьачIаву дусса ишругу хьун бюхъайссар. Му чIумал хха­ссалбувултрал бияла хъунмассар. Вайннал даражалийн, чIумуй ва сант кIулну бувсса цалчинсса кумаграйн хъар хъанахъиссар чIявумур чIумал апатI хьуминнал оьрму ва цIуллу-сагъшиву. Аьр­ххилий студентътураща бювхъунни зунттайх, муруллайх ла­хъаврил, зарал бивнан цалчин­сса кумаг баврил чулухасса цала хIадуршинна ххал дан.
Зунттуйн лахъаннин хьхьичI вайннащал, бала-апатI къа­хьун,мюхчанну бикIаврил инструктаж дунни мероприятиялул сиптачи, колледжрал преподаватель, экономикалул элмурдал кандидат, «Спасатель» клубрал каялувчи Анжелика Абачараевал.

Шиккува кIицI лаган, колледжрал студентътурачIа укун­сса аьрххи аьдатравун багьну бу­ссар.
2015-ку шинал колледжраву «Защита в чрезвычайных ситуациях» пиша лахьлан бивкIния шийнмай, гьарица шинах, Учительнал кьинилун хасну шикку дуклакисса студентътал лахъай­ссар ТтурчIайнна-Зунттуйн.

Студентътурал ххал дунни кьариртсса ТтурчIиял шяравалу, тамаша бунни зунттал караматсса тIабиаьтрай.
Укунсса аьрххирдал ххассалбувулт хьун ччисса студентътуравун хъиннува цала пишалух­сса гъира бутай.