Сергей Меликовлул бувчIин бунни чан- кьансса мобилизациялул хIакъиравусса масъалартту

Сергей Меликовлул бувчIин бунни чан- кьансса мобилизациялул хIакъиравусса масъалартту

Сентябрьданул 28-нний Дагъусттаннал БакIчи Сергей Меликовлул жавабру
дуллунни региондалул ва федерал СМИ – лул журналистътурал
мобилизациялул хIкъираву буллусса суаллахьхьун.

-Сергей Аьлимович, цукунсса дур цукунсса дур чан-кьансса мобилизациялул
хIасиллу Дагъусттаннай?
-Сергей Меликов:Билаятрал каялувчинал баян бувсса чан-кьансса
мобилизация ттигу найнна дур. ХIакьинусса кьини мобилизациялул нарядру
ва ялунбихьуртту биттур дуллай бур графикрацIун тIайлану.Жу ми давурттал
ялувбацIаву дуллай буру.
— Ина бувсуна мобилизация давриву диялдакъашивуртту душиву цаппара
военкоматирттал, районнал ва шагьрурдал бакIчитурал чулуха. Микку
хъинчулйсса дахханашиву дуван бюхълай бурив?
— Сергей Меликов: ТIайласса информация ласун жуща бювхъунни утти
аьрайн бувцусса инсантуращал ихтилатру баврийну. Ттуща учин къахьунсар,
гьармур тIайласса ххуллийн дуккан дурссар куну Ми иширттаву лайкьсса
даражалий зий къабивкIун бур ми иширттаха зузисса районнал военкоматру,
документру къатIайлану дузал бувнутIий, халкь гьалак буклай бивкIун бур.
Мукнсса тагьар диркIссар Бабаюртуллал ва Хасавюртуллал районнай. Му
бакъассагу, инсантуран тIайлану бувчIин бувну бакъая Президентнал ва ттул
хIукмурду цаппара муниципал сакиншиннардил бакIчитурал.Миннал
аьркинссия бавтIун циняв жаваблувсса инсанталгу, бувчIин буван миннан ва
ялувбацIаву дуван масъалартту биттур бавриву.
Диялдакъашивуртту дусса кIанттурдал ялув бацIаву дуллай буссар, жу
тIитIарду цаппара горячий линияртту.Ми циняв масъаларттал ялув бавцIун
буссар цапара Дагъусттаннал БакIчинал ва ХIукуматрал Администрациялул
вакилтурал, ми тIайла бувкссар районнайн. БувчIин буллалисса давуртту
ттинияр тихуннайгу дуллантIиссар.
— Экспертътурал тIимунийну, Дагъусттаннай къарши буккаврил акциялий
каялувшиву дуллай бивкIун бур соцсетирдавух Украиннавату ва
Турциянавату. Му тIайласса затрив ва мунил хьхьичIалу кьукьинсса
давурттаха зий буссарив?
-Сергей Меликов: Мукунсса акциярттайн протестру (къарши буккавуртту)
чин къабучIир – ми мардимазаншивурттур( хулиганшивурттур) ва
жяматийсса низам лиян давурттур. Дагъусттанлувтуран кIулну бикIан
аьркинссар: мукунса акциярттудуван инсантал гьуз буллалиссар цIанасса
ппурттуву ватан дуручлаччисса жула оьрчIру литIлатIиминнал. Мунил
пикри бара!
-Дагъусттаная бувцусса инсантурал кьадрданул хъирив бизантIиссарив
республикалул хъунимив? Ми чув хIадур буллантIиссар , чун тIайла
буккантIиссар?
-Сергей Меликов: Жу му мсъалалул ялув бавцIун буру Кьиблалул аьралунал
округрал хъуниминнащал ва жула аьралуннал комиссариатращал хIала-
гьуртуну. Жулва инсантал салкьи байсса кIанттурдайн гьантIиссар жулва
каялувчитал. Жул мурад бур жула инсантурацIун кабакьин, ихтилат ру бувну
кIул буван миннал дакIниймур, захIматшивуртту;
кумаг буван миннал масъалртту дузал бавриву, миннащалсса дахIаву ядаву.
— Республикалул мобилизация бувсса инсантурал кулпатирттан кумаг
буллантIиссарив?
-Сергей Меликов: Жун кIулли цIана ПаччахIлугърал думалуву ххал бигьлай
бушиву аьралийтуран кумаг бансса чаранну.Амма мюхтажшиву дусса
кулпатирттан чара бакъа бувантIссар аьркинсса кумаг.Му мурадрай жу
занантIиссару аьралийтал бацIайсса кIанттурдайн ва кIул
буллантIиссармукунсса кулпатру. Ми масъаларттаха зунтIиссар
муниципалитетирттал бакIчиталгу.

Читайте также: