Сентябрьданул 13-нний Дагъусттаннал ХIукуматрал Председатель
Аьбдулмуслим Аьбдулмуслимов гьуртту хьунни Москалив хьусса
«Аьрасатнал ГЧП-лул нюжмар» (Российская неделя ГЧП» тIисса
инфраструктуралул конгрессрай.

Региондалул премьер – министр ия «Экологичное партнерство: преодолеваем
барьеры на пути к созданию инфраструктуры обращения с ТКО» цIанилусса
сессиялул спикерну.

Сессиялул модератор (бачин байма) – ГЧП ППК «РЭО» депортаментрал
каялувчи Александра Головановал бувсунни яла гъансса 2 шинал мутталий
Аьрасатнал экологиялул операторнал пландалийн лавсун бушиву итадакьин
50 коцессиярттал проектирдансса 100 млрд къурушру.

Концессия хъанахъиссар ТКО-лул аралуву проектру бартдигьайсса гьанусса механизм.
Сессиялий махъ лавхъунни «Аьрасатнал экологиялул оператор» ППК –лул
гендиректор Денис Буцаевлул. Мунал тIимунийну, хIакьинусса кьини 30-
яргу ливчусса регионнай бартдигьлай бусса бур сайки 50 ТКО-лул
аралувусса концессиярттал проектру.

Яла махъ лавхъунни Аьбдулмуслим Аьбдулмуслимовлул. Мунал
тIимунийну, Дагъусттан Республика цаймигу регионнащал архIал бувкIун
бур кьянкьасса коммунал лувдагьмур лазилакьи дайсса цIусса системалийн.
ЦIанасса ппурттуву ми объектрдал проектирдал документирттал
паччахIлугърал экологиялул экспертиза дуллай бур Аьрасатнал
Роспотребнадзорданий. Гьар шинах республикалул территориялий хIасул
шайсса дур ца миллион тонналияр ххишаласса лувдагьмур.

« Дагъусттаннай бур паччахIлугърал сияхIрайн лавсъсса так 2 полигон , ми
буцIин най бур 2024 шинал. Мунияту. чIалачIисса зат бур, цIусса системалий
бучIаншиврул аьркинну дур ттизаманнул инфраструктура»,- кунни
премьернал.
Сессиялий махъру лавхунни мукунма Москавлия бувкIсса цаймигу
пишакартурал.