ОьрчIру мюхчанну битаву мурадрай

ОьрчIру мюхчанну битаву мурадрай

Дуккаврил шинал дайдихьулийнсса хIадуршинна дуллай, Ккуллал райондалул администрациялий хьунни чIявусса инсантал батIайсса кIанттурдайсса объектру терроризмалия мюхчан баву мурадрайсса чаранну ххал бигьлагьисса АТК-лул заседание.

Шикку гьуртту хьунни Ккуллал райондалул администрациялул бакIчинал хъиривчу Аьжуб ХIусманов, ДР-лул Халкьуннал Мажлисрал Председательнал хъиривчу Камил Давдиев.
Вайннал кIицI лавгунни райондалул ихтиярду дуруччай ва кIанттул цила каялувшиннарал органнащал архIал чялиш дуккан дуван аьркиншиву терроризмалул ххуллурду кьукьаву мурадрайсса давуртту. Бувсунни мукунма, агьамсса масъала хъанахъишиву, интернетрайхчIин, СМИ-рдайхчIин ва кказит-журналлайхчIин Украиннаву, Донецкаллал ва Луганскаллал халкьуннал республикарттай баян бувсса хасъсса аьрали операциялуцIун дархIуну хIасул хьусса жяматийсса ва политикий­сса тагьардануя агьалинан тIайлану бувчIин баву.
Заседаниялий мукунма ххал бивгьунни райондалул кIанттул цила каялувшиннарал органнал дачин дуван аьркиншиву щархъаву ялапар хъанахъисса дуклаки оьрчIру ва жагьилтал терроризмалул иширттавух хIала буххан къабитаву мурадрайсса давуртту.
Заседаниялий ххал бивгьусса масъаларттал хIакъираву бунни хасъсса маслихIатру.

Читайте также: