Вай гьантрай ЦIуссалакрал райондалий «Единая Россия» партиялул сипталий «Собери ребенка в школу» тIисса акциялул лагрулий, 1-мур классравун нанисса ятинсса оьрчIан дуллунни ацI-ацIазарда къуруш выплаталул. Цаппара гьантрал хьхьичI ЦIуссалакрал райондалул БакIчи МахIаммад-ХIажи Айдиевлул цала Телеграм-каналданий баян бувну буссия, дуккаврил шинал дайдихьулий 1-мур классравун нанисса ятинсса оьрчIан школалийн аьркинмур машан ласун кумагран ацI-ацIазарда къуруш выплатардал дулун пикрилий ушиву.
Райондалул бакIчинал сипталуцIун бавкьуну, шяраваллал администрациялул бакIчитуралгу арцуйнусса кумагру ва бахшишру дунни ятинсса оьрчIан. Вайннал кумаграйхчIингу 1-мур классравун нанисса 15-хъул ятинсса оьрчIан ххуйсса кумаг хьунни янна, усру, школалул кьай-кьуй машан ласунсса.
