Цалчинсса занглил шадлугъру

Цалчинсса занглил шадлугъру

Халид Мурачуевлул цIанийсса школалий

КIулшивуртту дулаврил кьини цIусса дуккаврил шин оьрчIахь барча дан Аьрасатнал Виричу Халид Мурачуевлул цIанийсса Ккуллал 1-мур школалийн увкIунни Дагъусттаннал жагьилтурал иширттал министр Камил Саэдов.

ХIакьинусса кьини ва школалий дуклай ур 137 оьрчI. Ду­ккаврил кьинилул мажлис байбишин хьхьичI Камил Саэдовлул ххал диргьунни школалий дур­сса давуртту.
Министрнал кIицI лавгунни Ккуллал 1-мур школа бакьин буллай бивкIшиву къатри гьануцIакул цIу дуккан даву мурадрайсса федерал программалул лагрулий.
– Гьашину республикалул ва райондалул каялувчитурал федерал программалул кумаграйну чIярусса давуртту дунни дуклаки оьрчIансса шартIру дузал дуллай. МукIруну ура, ва школалий дуклакисса оьрчIру кIулшиву ласаврих мюхтаж­сса, школалул цIа-кьини бюхттул дансса, бусравсса инсантал хьунссар тIий.

– Ххирасса оьрчIрув, школалий дуклакисса шиннардий зу ккаккан бунни дуккавриву итххявхсса, яхI-къирият дусса, хъунанал хIурмат бусса, ххуйну тарбия хьусса оьрчIру бушиву. Ттун щак бакъар зул школа гихунмайгу Халид Мурачуевлул цIа лайкьну ларсун бачиншиврий. ДакIнийхтуну чIа тIий ура зун хьхьичIунсса кккаккияртту хьун дансса, тIайлабацIу бусса дуккаврил шин, – увкунни Камил Саэдовлул.

Аватар

Имара Саидова

Журналист, обозреватель. Освещает культурные собыия в Лакском и Новолакском районах.

Читайте также: