Шяраваллил хозяйствалул хъинсса хIасиллу

Шяраваллил хозяйствалул хъинсса хIасиллу

Августрал 23-нний ДР-лул шяраваллил хозяйствалул министр Мухтарбий Аджековлул пресс-конференциялий бувсунни Шяраваллил хозяйствалул министерствалул давурттал хIакъираву.

Министрнал тIимунийну, гьашину 6 зурул мутталий республикалул шяраваллил хозяйствалул аралуву хьун дурну дур 96 процентрал хъинсса хIасиллу.
–КIанттул хъузалтраща бюхълай бур ххуйсса бакIлахъиярттугу ларсун, ми машайгу дуккан дуван, мунийну щаллу буван республикалул бюджет. КIанттул дукиялул сурсатру дахлай бур билаятрал кьатIувгу, ми тIалавну дур кьатIаллил билаятирттайгу, – кунни Аджековлул.
Министрнал тIимунийну, цIанасса ппурттуву республикалий лядуклай дур вацIри буллалаву, ризкьи баву, ххяххияртту дугьаву, ляличIину тIалавну бур кIанттул ппиринж.
МуницIунма министрнал бувсунни региондалий диял хъанай дакъашиву ахънилсса ядайсса къатри, муданна дуллай бакъашиву ярмукIартту.
«Шяраваллил хозяйствалул министерствалул пландалий бур гьашину октябрьданий «Русские ярмарки» ООО-лущалсса дахIавуртту цIакь дуван, муданнасса ярмукIартту дулланшиврул», – кунни Мухтарбий Аджековлул.

Читайте также: