Барча бавуртту

Лакрал райондалул администрациялул бакIчинайн
ХIамидлул арс МахIаммадов Юсуплуйн
Увсса КьинилуцIун бавхIуну

ХIурмат бусса Юсуп ХIами­дович!
Кьамул бува ина ув­сса кьинилуцIун бавхIусса дакIнийхтунусса барча аврил махъру!
Вил щалагу оьрму цIакьну бавхIуну бур жула аьзизсса Дагъусттаннал кьадар-кьисматрацIун. Дагъусттаннал шяраваллил хозяйствалул институт къуртал бувну мукьах ина вила хъунмур захIмат хас бувну бур агропромышленностьрал комплексран.
Дагъусттан Республикалул ХIукуматрал Председательнал ва муниципал сакиншиндарал каялувчинал къуллугъру бартбигьланнингу ина тIайлабацIу буну зий ивкIун ура шяраваллил хозяйствалул аралул личIи-личIисса давурттай.
Вила захIматрал ва оьрмулул ххуллий ина дурурччуну дур инсаншиву ва дакI хъиншиву, чIири личIан къадиртун дур инсантурал вийннагу, инара инсантурайнгу дирхьусса вихшала. Ина кIулнугу ура, хIурматрайгу ура, Дагъусттаннай акъассагу, мунил кьатIувгу.
Махъсса шиннардий ина каялувшиву дуллалисса райондалий бувну бур ацIрахъул километрардал лахъишиврийсса шяраваллил кIанттурдайсса ххуллурду, бакьин бувну ва цIу буккан бувну бур социал-культуралул биялсса объектру ва жяматийсса кIанттурду.
Республикалул экономика лядуккан даврил ххуллий, вила даврил профессионал хIисаврай, ина бартбивгьусса иширттан бивщусса кьимат хIисаврай вин дуллуну дур паччахIлугърал хъуни-хъунисса наградартту, хIалалгу бувну бур хъунмасса хIурмат.
Ххирасса Юсуп ХIамидович, чIа тIий ура вин чIярусса ва буллугъсса шинну, талихI, тирхханну, Дагъусттаннал ва Аьрасатнал цIаний бартбигьлагьисса иширттаву тIайлабацIу!
ХIурматращал

Дагъусттан Республикалул
ХIукуматрал Председатель Аь. Аьбдулмуслимов