Ивунни Республикалул диагностикалул центрданийн

Августрал 17-нний ДР-лул ХIукуматрал Председатель Аьбдулмуслим Аьбдулмуслимов увкIунни Республикалул диагностикалул центрданийн.

Премьер-министр кIул хьунни мунил давурттащал, лалавсунни центрданул захIматми масъалартту ва бувсунни ми дузал бансса ххуллурдая.
Гьарца кьини миккун бу­чIайсса бур хIаллихшинну бартдигьин сайки 3000 инсан. Дайсса дур 800 журалул ахттар бавуртту ва маслихIат бусайсса бур хъин баврил журардая.
Шиная шинайн гьарза хъанай бур миккун бучIайсса инсантал.

Диагностикалул центрданул хъунмур хIакин Заира Къаплановал тIимунийну, цIанасса ппурттуву миккун кьамул байсса бур электрон чичрулийну, мунийну бигьа хъанай бур хIакинтурачIан бучIан, яржа къабувгьунма. Центрданий бур клиникалул ва диагностикалул лаборатория, ультразвукрал диагностикалул отделение, эндоскопиялул, функционал диагностикалул, рентгенологиялул отделенияртту, КТ ва МРТ, Консултатив поликлиника, Эндокринологиялул центр ва дяхтта уттубишин байсса стационар. Микку зий ур 425 пишакар.
ХIукуматрал Председательнахь бувсунни захIматсса масъаларттал, ремонт даврил дакъамур дузал даврил хIакъираву.

Мунал ДР-лул ХIукуматрал Председательнал хъиривчу Мурад Казиевлуйн ва цIуллушиву дуруччаврил министр Татьяна Беляевайн тапшур бунни кIицI бувсса захIматсса масъалартту дузал буван.