Августрал 10-нний ДР-лул БакIчи Сергей Меликов хьунаавкьунни 2022-ку шинал аьралуннал училищартту къуртал бувну, Дагъусттаннай къуллугъ буллан бувкIсса хIаписартуращал.
Республикалул каялувчинал аьралитал барча бунни дуккаву къуртал шаврищал ва цалчинсса хIаписартурал цIарду (звание) ласаврищал.
Дагъусттанлувтурал хасиятирттая буслай, Сергей Меликовлул кIицI дунни чувшиву ва кьянкьашиву, цала къуллугърайн дакI тIайлашиву ва яла хъинмур хасият – Ватан ххирашиву.
Региондалул каялувчинал бувсунни ДР-лийсса Аьрасатнал ФСБ-лул Дазул управлениялул къуллугърая, Каспийскаллал флотилиялия, Ухссавнил Ккавкказуллал 102-мур бригадалия, бувсунни жагьилсса хIаписартурахь лайкьну дачин дуван аьркинну душиву ванияр тихуннайгу мира традицияртту.
Училище къуртал бувми барча буллалисса махъру лавхъунни мукунма ДР-лул ФСБ-лул Дазул управлениялул хъунама Андрей Карпенкол ва Каспийскаллал флотилиялул хъунама Александр Пешковлул.
