Гьашину республикалий «Капремонт» федерал программалул лагрулий, цIу буккан бувну, бакьин бувну бур 210 школа. КIицI ларгсса программалул лагрулий цIу буккан буллай буссия ЦIуссалакрал райондалийсса Банайюртуллал, Шушиннал школартту ва Чапаевкаллал 2-мур школа. Школарттай дуллалисса ремонт ци тагьарданий дурив ххал дан ялтту бувккунни ЦIуссалакрал райондалул КIулшивуртту дулаврил управлениялул хъунмур Светлана Къудаева.

Банайюртуллал ва Шушиннал школарттай 100 % къуртал дурну дур ремонтрал давуртту. Банайюртуллал школалий даххана дурну дур нузру, розеткарду, бакьин бувну бур школалул чурттурду. Шушиннал школалий цIу дуккан дурну дур магъи. Чапаевкаллалмур школалий, дансса давуртту гьарзасса душиврийн бувну, цIанасса ппурттуву 80% дирсса давуртту щаллу дурну дур. Ва школалий даххана дуллай бур поллу, нузру, чIавахьултту, дух хьусса краска ва штукатурка ххартI дурну, цIуницIакул бушлай, хIулухIлай бур чIиртту.
Светлана Къудаевал кIицI лавгунни гьарицагу даву лавайсса даражалий ва ккаккан дурсса чIумуйннин дурну къуртал дан аьркиншиву.
Шикку зузисса строительтурал бувсунни давуртту ккаккан бувсса графикрай дуллай бушиву ва сентябрьданул 1-нний оьрчIру цIу буккан бувсса школалий дуклан бучIантIишиву.