Багьри гьаз хьуну тIий
Аьрабусттаннал паччахI Салман ибн Абдель Аьзиз Аль Саудлул 20 миллиард риаллал (вай хъанай бур $5,33 млрд) личIи бувну бур багьри гьаз хьуну тIий билаятрал мюхтажминнан кумагран. Ва ишираяту бувсунни ТАСС-рал, Саоьдуллал печатьрал агентствалийн (САП) чIурчIав дурну. ПаччахIнал указрайн бувну, $ 2,77 млрд социал пособияртту ласласиминнан ва ризкьичитуран харж бувантIий бур цал булайсса пособие хIисаврай, ливчIмигу – агьалинал маэшат лащинсса тагьарданийн багьан къабитан.
Гиннессрал луттирайн багьсса чIавасса чичу
Оьрмулул 14 шинавусса, Аьрабусттаннаясса (КСА) Ритадж Аль-Хазми, романнал яла жагьилма автор хIисаврай, Гиннессрал рекордсменнал титулданул залуннал кIула итакъадакьлай бур. Ва титул ванил цалчин 2020-ку шинал ларсун дур. Аль-Хазми ряхра шинаву байбивхьуну бур хаварду чичлай. АцIра шинал оьрмулуву ванил ингилис мазрайсса кIива роман дунияллийн буккан бувну бур: «Бакъа хьусса хьхьирил ххазина», «КьюлтIсса дунияллул портал». Ларгсса шинал ванил итабавкьуну бур цIусса роман «ДучIантIи дунияллул дазурдах».
Къапурдайсса чани чан буван
Берлиннал хъуниминнал тапшур бувну бур Брандербургуллал къапурду чанна буллалисса чани лещаван, ттукI ябаншиврул.
Щюлли къуппа бивхьунни
Вай гьантрай Редукторнайлий цIуну буллалисса Ися идавсил (аь.с) цIанийсса РувхIанийсса центрданийсса мизитрал ялув щюлли къуппа бивхьунни. Ва Мадиналийсса МухIаммад Идавсил (с.аь.с) мизитрайсса щюлли къуппалуха личIи бакъа лавхьхьусса бур цуппагу.
