Аэропорт цIу буккан буллалисса давурттугу ххал диргьунни

Июль зурул 11-нний региондалул БакIчи Сергей Меликовлул АхIмад-Хан Султаннул цIанийсса МахIачкъалаллал аэропорт цIу буккан буллалисса давурттащал кIул бунни Дагъусттаннайн даврил аьрххилий бувкIсса Аьрасатнал Федерациялул Советрал Председатель Валентина Матвиенко.


Аэропорт цIу буккан буллалисса проектрая балжину бувсунни аэропортрал директор Саид Рамазановлул.
Федерал бюджетравасса харжлугърайну шикку бантIий бур самолетру гьаз шайсса ва щядикIайсса шанма ща бусса ххуллу, вай микIлачIун къаритайсса давуртту дуллансса площадка, аварияртту хьусса иширттаву инсантал ххассал бувайсса станцияртту, цIу буккан бан най бур рулежный ва патрульный ххуллурду, перрон, контрольно-пропускной пункт ва цаймигу давуртту.

Аэродромрай ишла дуллалисса материал дикIан тIий дур цIакьсса ва лавайсса даражалул.
Аэропорт цIу буккан баврийну, пассажиртал бакъа­ссагу, гьарза хьунтIиссар МахIачкъалалия Аьрасатнал шагьрурдайн ва чил билаятирттайн лехлахи­сса самолетру. Мунийн бувну чIяру хьунтIиссар бюджетравун нанисса налогру ва хIасул хьунтIиссар 200 инсаннансса зузи кIану.